BlogFace !!


بعد إنشائي لمدونتي الأولى ، حبيت أزف النبأ لماما وبابا ، مبسوطة على حالي إني عملت إنجاز و لكن الرد كان دون التوقعات!!! فما أن إنتهيت من زف الخبر سرعان ما ثارت ثائرت أبي وظهرت علامات التعجب عليه وإذا به يصرخ في وجهي المتفاجىء ويقول: " بابــــــــــا إسحك تحكي معلومات عنك! ســـامعة!!! (أكيد سامعة!) صاحب "البوك فيس" بذات نفسه إعترف إنه ببيع المعلومات " وأنا أحاول عبثا إقناعه بالفرق بين المدونة والفيس بوك ، ومشكلة بابا أنه لا يقبل النقاش وغير مستعد لتغير رأيه ، من هون لهــون يا بابا والله انه في فرق بين المدونة والفيس بوك وحتى أصلا أنا لست بالشخص المهم عشان يبيعوا معلوماتي لكنه كان يأبى الإستماع لرأيي كالعادة فقلت له: "يا بابا انت عم تحكي في شي إنت ما بتعرف عنه و مش فاهمه مظبوط " ، بس النتيجة كانت انه كشرته زادت و إنطلق صارخاً " أنـــــا بفهمش ؟؟؟ صاحب الblogface اعترف بذات نفسه بتسرييييب المعلومات ومن ذلك " بس لو أعرفه صاحب البلوج فيس هذا و أنط في كرشه عشان التسريب اللي عمله! بس المشكلة إنه لسة ما إنخلق! وطبعاً أنا إستسلمت للنقاش العقيم اللي ما رح يجيب نتيجة !!
و كان هذا بداية أول كتابة لي في عالم بلوج فيس ... قصدي البلوج أو التدوين